DIRUA GALGARRI
Mariano Izeta
(Auspoa, 1962 / Euskaltzaindia, 2015)
Jatorri euskaldunekoak badira ere,
Parisen egiten dute lan Jean Pierre Vivier-rek eta Franzis ilobak. Beraien zaintzapean
zeukaten diru kopuru handia desagertu egin da bulegotik, baita Franzisen
altzairuzko erloju dotorea, osabak oparitutakoa.
Poliziek erdi hilik topatu duten
gaizkileetako batek esandako azken hitzen hariari tiraka, iritsiko da Claudet
komisarioa gaizkileak topatu eta atxilotzera. Baina lapurrek, presiopean egonda
ere, ez dute lau milioien desagerpena bere gain hartuko. Friederick erlojugile
azkar eta maratzari –egile beraren antzeko bat– esker argituko da kasua.
Pertsonaiak ez dira oso
sinesgarriak, bere paperean estu eta zurrunegi agertzen dira. Euskaldunak
fededunak dira, dudarik gabe. Emakumea etxekoandrea da, ez besterik. Kontakizuna
denboraren katean emanda dago, salto eta gauza “arrarorik” gabe. Bukaeran
sorpresatxoa gordetzen du istorioak.
Polizia kontakizun xalo eta sinplea,
topikoz betetakoa, eratu zuen egileak. Pentsamolde arrazista samarrak eta
bortxakeriaren aldekoak erdikusten dira zenbait eskenatan. Euskal polizia nobelaren hastapenak (aurretik Hamabost egun Urgainen geneukan) koka
genezake narrazioa eta, egun, hori da bere baliorik handiena.
Ez du lan handirik irakurtzeak eta gustagarria
izan daiteke ordu parea emateko. Euskalkia gozatu nahi izanez gero, Auspoa-ren
edizioaz hobeto.
Rafa L.
Sautrelan Beñat Sarasolak esandakoak:
Euskal
polizia nobelaren bilakaerari buruzko zerbait gehiago jakiteko:
18 comments:
Liburua gustatu zait, interesgarria eta entretenigarria zelako. Baina alde batetik zaila egin zait irakurtzeko, aspaldiko liburua delako eta garai batean ez zelako euskara batuan idazten eta gu euskara batuan irakurtzen oituta gaude, beste alde batik pertsonaia batzuk gutxitan ateratzen ziren eta agertzen zirenean ez nintzen gogoratzen zein ziren. Franzis pertsonaila asko gustatu zait eduki duen portaeragatik.
Udane Armendariz.
Liburua asko gustatu zait, interesgarrua eta misteriotxua delako. Baina pixkabat kostatu egin zait irakurtzea, liburua ez dagoelako euskara batuan. Baina nik aholkatzen dizuet irakurtzea eta gainera gure adinekoentzako ondo dago misteriotxua delako.
Anima zaitezte irakurtzera!
Laida A.
Dirua Galgarri. Liburua asko gustatu zait, oso interesgarria iruditu zait, baina, euskara batuan ez dagoenez idatzia pixka bat kosta egin zait guztiz ulertzea, ala ere erraz ulertzeko moduan dago. Nik gure edadeko jendeari gomendatuko nioke, hau da hamahiru hamalau urte inguruko gazteei, gure edadean normalean jendeak gustuko izaten baititu bai misterioa eta bai abentura. Liburuak beste alde on bat ere badu, hitz ezezagun batzuk liburuaren hasieran daude, eta beraz, hitzen baten esanahia ez badakizu, bertan begiratu eta hitz gehienak bertan ageri dira.
Uxue Zuriarrain, 3B (15-16)
Asko gustatu zait liburua zergatik plan bat egiten dute lapurreta egiteko, gero ere poliziak sartzen dira lapurrek billatzea eta hori asko gustatu zait nola egiten dituzte gauzak, poliziako gaiak gustatzen zaizkionarentzat gobendatuko nuke, erraza da irakurtzeko eta denbora azkar pasatzen da
UNAI P 3A
2015-2016
Liburua polita iruditu zait. Dena dela, hasierako zatia (Baztango idazleei buruz hitz egiten duena) soberan dagoela esango nuke, sakonegia baita, eta ez baitu ondoren kontatuko duenaren inguruko argibiderik ematen.
Idazlea orojakilea da, eta beraz, erraz antzematen da hurrengo pasartean zer gertatuko den.
Bi ezaugarri hauen bila dabilenak irakurriko du gustura liburua: batetik, polizia istorioak, eta bestetik, berriz, Baztango euskara.
ENEKO ON. 3.B 2015/2016
Misteriozko ipuinak atsegin ditudanez, liburu hau asko gustatu zait; batetik mamitsua delako eta bestetik irakurri ahala jakin-mina pizten didalako. Orri kopuru aproposa du, ez da luzeegia ez eta motzegia ere. Arrazoi horrek gusturago irakurtzera bultzatzen nau. Gainera ondo eta errez irakurtzeko moduan dago idatzita. Bukaera asko gustatu zait inork espero ez zuen pertsona delako lapurra. Liburu hau misterioa atsegin duen jendeari gomendatuko nioke.
"Dirua Galgarri" liburua ez dago gaizki, ulertzeko zertxobait zaila da eta asiera ez zait orrenbeste gustatu, ala ere irakurtzen zoaz einean obentzen doa eta interesgarriagoa bihurtzen da. Liburu honetatik gehien gustatu zaidan zatia bukaerakoa izan da zeren ez nuen espero bukaera hori eta gutxien gustatu saidan zatia Pierrek lapurreta onartu duenean izan da zeren errazegi onartu du nire ustez.
Tarek C. 3B ( 2015-16 )
Niretzat oso liburu entretenigarria da zergatik, bukaera arte intriga bat sortzen dizu eta zer pasako den jakin nahi duzu, horretaz aparte, hizkuntza ez da oso erraza ulertzeko, baina, ala eta guztiz ere, entenditzen da. nik uste dut hamaika-hamabi urteko gaztetxoentzat hobeto egongo litzatekeela.
Eneko Otamendi, 3B
"Dirua Galgarri" liburua ez dago gaizki, ulertzeko zertxobait zaila da eta hasieran ez zait horrenbeste gustatu,
hala ere, irakurtzen zoazen heinean hobetzen doa eta interesgarriagoa bihurtzen da. Liburu honetatik gehien
gustatu zaidan zatia bukaerakoa izan da zeren ez nuen espero bukaera hori eta gutxien gustatu zaidan zatia
Francisek lapurreta onartu duenean izan da zeren errazegi onartu du nire ustez.
Tarek c. 3B (2015-16)
Niretzat oso liburu entretenigarria da zeren, bukaerara arte intriga bat sortzen dizu eta zer pasako den jakin nahi duzu. Horretaz aparte, hizkuntza ez da oso erraza ulertzeko, baina, ala eta guztiz ere, ulertzen da. Nik uste dut hamaika-hamabi urteko gaztetxoentzat hobeto egongo litzatekeela.
Eneko Otamendi, 3B
Dirua galgarri. Liburu hau asko gustatu zait, interesgarria delako eta aldi berean misteriotsua. Baina, zailtasun batzuk ere baditu. Esaterako, ez dago euskara batuan idatzita, beraz, irakurleari pixka bat zaila egiten zaio hitz guztiak ulertzea. Zailtasunez gain, alde ona ere baditu, hain ezagunak ez diren hitz gehienak, liburuaren hasieran ageri dira, eta horrela liburua errazago ulertzen da. Nik liburu hau gure adineko jendeari aholkatzen diot. Gure adinekoei normalean abentura eta misterioa gustatzen baitzaigu.
Uxue Zuriarrain, 3B, 15/16
Liburua polita iruditu zait. Dena dela, hasierako zatia (Baztango idazleeimnburuz hitz egiten duena) soberan dagoela esango nuke, sakonegia baita, eta beraz, erraz antzematen da hurrengo pasartean zer gertatuko den.
Bi ezaugarri hauen bila dabilenak irakurriko du gustura liburua: batetik, polizia istorioak, eta bestetik, berriz, Baztango euskara.
Eneko Ontsalo 3.B 2015/10/23
Liburua gustatu zait, interesgarria eta entretenigarria delako. Baina alde batetik zaila egin irakurtzeko, aspaldiko liburua delako eta garai batean ez zelako euskara batuaz idazten eta gu euskara batuan irakurtzen ohituta gaude. Besta alde batetik, pertsonai batzuk gutxitan ateratzen dira eta agertzen direnean, ez naiz gogoratzen zein ziren. Franzis pertsonaiaren jokaera gustatu zait.
Udane Armendariz.
Niri liburu hau asko gustatu zait zeren eta bizkaieraz idatzita dago eta grazi puntu bat ematen dio horrek. Liburuaren istorioa polita da, gainera, niri abenturazko eta krimenezko liburuak gustatzen zaizkidanez, ezin aproposagoa da. Liburuaren bukaera ere oso ona izan da, gutxien espero nuena zelako lapurra eta gezurtia. Istorioa ere oso ondo dago osatua pasatzen diren gauzekin.
Nik liburu hau gazteei gomendatuko nieke, zeren eta pentsatzen dute hobea dela lapurtzea lana egitea baino.
Familia bati buruzko liburua da eta familia horrek bere etxean enpresaren dirua gordetzen duen kutxa ezkutu bat du. Baino gau hotz batean lapurtu egiten diete dirua eta orduan hasten da benetako arazoa.
Unai Reguillaga 3A (2016-2017)
Nik liburu hau irakurri dut.
Laburpena:hiru lapurrek dirua lapurtu zuten lantegi baten gainean zegoen etxean. Dirua lantegiarena zen.Jabea konturatu zen diruaz aparte erloju bat ere falta zela. Poliziak ikertzen hasi ziren eta kostata baina azkenean lapurrak harrapatu zituzten. Hala ere, diru haren zati bat eta erlojua ez ziren azaldu. Ikertzen hasi zirenean ezusteko galanta hartu zuten.
Niri asko gustatu zait liburu hau. Hasieran ez nuen ondo ulertzen, ez baitago euskara batuan idatzita. Gauza harrigarri asko gertatzen dira eta liburu misteriozkoa izatearekin batera, intriga sorrarazten dizu.
Nire ustez zerrendan jarraitu beharko luke, pena mezi duelako horrelako liburu bat irakurtzea. Gainera, uste dut, gure adinekoei asko gustatuko zaiela.
Nerea Ormaetxea 3A
2016-2017
“Dirua galgarri” liburua irakurri dut. Polizi nobela zahar bat da, istorioa, lapurreta baten eta lapurreta horren ikerketari buruzkoa da, baina niri istorio guztia berdina iruditu zait.
Irakurtzerakoan aspertu egin naiz, gaia gustokoa ez izateaz aparte, gauza batzuk maiz errepikatzen direlako. Ulermenaren aldetik, kostatu egin zait ondo ulertzea eta istorioaren haria jarraitzea. Esaldi batzuk ondo ulertu gabe geratu naiz, ez baitago euskara batuan idatzita. Hala ere horrelako gaietaz hitz egiten duten liburuak gustoko dituztenantzat ondo dago.
Angela Bach,3.C
2016/11/03
Niri gustatu zait Dirua Galgarri liburua. Aspaldi idatzitako liburua da, eta horregatik, liburu honi zailtasun puntu bat aurkitu diot ulertzeko garaian, ez baitago euskara batuan idatzita eta momentu askotan esaldiren bat ulertu gabe geratu naiz, baina orokorrean ondo ulertzen den liburua da. Bertan, lapurreta bat gertatzen da eta hori aztertzen dute, lapurra bilatu arte. Ni bertako pertsonaia batzuen jokabieekin bat nator, nik ere antzera jokatuko nukeelako. Gustoko dut horrelako ikerketen inguruko gertakizunak irakurtzea, ondoren zer gertatuko den pentsarazten baitizu. Aspaldiko bizimodua eta batez ere lapurretak eta ikerketak gustoko dituen bati gomendatuko nioke, horiek ere denboraren baitan aldatzen baitoaz eta ez baitira oraingoen berdinak. Anima zaitez irakurtzera!
Zuhara Telletxea 3-B (2016-2017)
Liburu hau interesgarria dela esango nuke; izan ere, batetik, istorioan zehar gertatzen den lapurretak istorioaren haria jarraitzera bultzatzen du irakurlea.
Bestetik, amaieran lapurra Franzis dela jakiteak, nolabait esan, harriturik uzten duela irakurlea esango nuke, istorioan zehar lapurra identifikatzeko irrika handia adierazten baitu honek.
Honez gain, liburua, oro har, nahiko ulerterraza egin zaidala aipatu nahiko nuke; hori dela eta, liburu hau edozein adinetako pertsonentzat gomendagarria izan liteke, istorio misteriotsu batean murgiltzeko aukera eskaintzen duelakoan bainago.
Izaro Urreta 3C
Post a Comment