URPEKARIAK
Fermin
Irigoien
(Erein,
2015)
Jonanen aitari –Joxemiri– ez doazkio gauzak
oso ondo Martarekin, emaztearekin, eta elkarri atsedenalditxoa ematea erabaki
dute bikotekideek. Lagun batek apartamentua utzi dio Joxemiri eta bertara joan
dira aita-semeak egun batzuk lasai pasatzeko asmotan, independentzia lortu
berri duen Catalunyako kostaldera, L’Estartit-era . Urperatze-bataioa egingo
dute ia iritsi bezain azkar. Eta ontzian beraiekin urperatze saioan egondako
Luus eta Dael, ama-alabak, izango dira oporraldiko lagun. Egun zoragarriak
izango dira Jonanentzat, inoiz
amestutako bizipenak gozatuko ditu. Baina zorionak ezin iraun betiko.
Kontaketa
arina eta erritmo onekoa da gehienetan. Idazleak beste digresioei (politika,
lexikoa…) eutsi egiten die maiz eta haria eten egiten da horrelakoetan.
Narratzaile orojakile batek ematen digu askotan pertsonaien pentsamenduen
berri, nahiago genuke istorioak berak erakutsiko baligu. Irakurleari ere
zuzentzen zaio idazlea, testuaren asmo pedagogikoa aitortuz, naxkante samar
gertatzearen beldurrez (ironiaz?). Badauka horrelako kutsu bat.
Baina,
oro har, oso gustura eta erraz irakurtzen den istorioa da. Arina, freskoa,
baikorra bere tristean. Irakur ezazue, gustatuko zaizue. Ez egin dudarik!
Rafa L.
Berrian:
Liburuaren aurkezpena:
http://www.erein.eus/noticia/urpekariak-fermin-etxegoien
2 comments:
Gustatu zait liburu hau, polita da. Gazteen eta gurasoen arteko harremanen inguruan datza. Banandurik dauden eta seme bat duten gurasoen eta beste ama-alaba batzuen artean gertatzen da istorioa. Istorioko hainbat zati interesgarriak egin zaizkit, izan ere, protagonistak bere aitarekin bizitzen dituen abentura mordoa oso entretenigarriak dira, esateko baterako, ur azpira sartzen direneko unea edo biak eduki ohi dituzten tertuliak. Nire ustez, erraz irakurtzen da ulertzeko oso erraza baita, ez du inongo zailtasunik. DBHko gazteei gomendatuko nieke irakur dezaten. Animatu irakurtzera gazte!
Zuhara Telletxea 3-B (2016/17)
Niri liburu hau asko gustatu zait eta irakurtzeko erraza da. Gainera, gazteen arteko harreman batetaz hitz egiten du. Liburuko hainbat kapitulu interesgarriak eta entretenigarriak dira baina batzuetan astuna egiten da beti berdina gertatzen delako. Nik irakurtzea gomendatuko nuke, gazteei interesgarria eta entretenigarria iruditzen zaizkielako horrelako liburuak.
Anne Aguirre 3-B
Post a Comment