2012-03-21

BIHOTZ AUSARTA


BIHOTZ AUSARTA
Joanes Urkixo
(Alfaguara-Zubia, 1996)



Urtzi maiteminduta dago, baina nola esan Oihanari? Neskari bere amodioa aitortzeko puntuan dagoenetan, ausartu ez eta mutilaren frustrazioa handitzen doa. Ikasketetan gauzak ere ez doazkio ondotxo eta hau guztia gutxi balitz, badirudi Txispas aurrea hartzen ari zaiola eta Oihanaren “lagun kuttun ofiziala” postua lortzeko puntuan dagoela. Noizbait koldarkeria alde batera utzi bere buruarekin konfidantza hartu eta benetako Bihotz Ausarta bihurtu behar izango du Urtzik. Ausartuko al da?

Kontatzen den istorioa inozo samarra da, pertsonaiak oso sinple eta alde bakarrekoak dira, baina maitagarri egiten zaizkigu. Bestalde kontakizunak ez dauka sorpresa handirik eta badakigu ia hasieratik gauzak ondo aterako zaizkiola protagonistari. Hala ere, gustagarri egiten zaizkigu pasadizoak, eta gu hunkitzera ere iritsiko dira batzuetan.

Gaizki bukatzen diren istorioekin nazkatu samar baldin bazaude; liburua bukatutakoan ezpainetan irribarre inozoa eduki nahi baduzu; zuk ere Urtzik bizi duen amodio-zorionaren partaide izan nahi baduzu; oso neska edo mutil erromantikoa bazara... liburu hau zuretzat da egina. Ausartu zaitez “Bihotz Ausarta”rekin!
Rafa L.

10 comments:

Anonymous said...

Liburua gustatu zait. Amodiozko istoria bat da, Urkik Oihana maite du, baina ez daki nola esan. Edorta, Urkiren lagunik hoberenak, esaten dio lagunduko diola , baina Urkik ezetz.
Bidean, Txispas sartuko da, eta Urkik eta Txispasek burruka antzeko bat edukitzen dute neskarengatik.
Gainera , Urkik nota txarrak ateratzen ditu , eta horrek aita hasarrerarazi egiten du.
Liburu hau erreza da irakurtzen eta gainera polita da istoria, askoei gomendatzen diet.Irati Z. 3B

Anonymous said...

Bihotz ausarta liburua asko gustatu zait. Urtzi da protagonistaren izena eta maiteminduta dago , hori dela eta liburuak maitasun historioak kontatzen ditu pixka bat bere bizitzaren inguruan. Erreza da irakurtzeko eta letra egokia du.
Animatu eta irakurri liburua!!

Itziar A. 3A

Anonymous said...

Urtzi 13-14 urteko mutiko bat da eta oihane gustatzen zaio. Liburu guztian zehar arazo dexente edukiko ditu, notetan ustelak aterako ditu, aitarekin liskarrak edukiko ditu, neskeekin gaizki ulertzeak...
Bere eskolan ere, Txispas izeneko mutiko bat dago, eta denbo guztian Urtzirekin sartzen da. Urtzik hasieran ez dio ezer esaten, baina egun batean leher egiten du.
Liburu hau oso polita iruditu zait, irakurtzea gomendatzen dizuet.

June G. 3-B 2011-2012

Anonymous said...

Liburu hau asko gustatu zait, irakurtzeko erraza eta oso momentu politak kontatzen dittuelako. Ibai ondoan egon zirenean Urtzi eta Oihane hitzegiten eta Urtzik kantatu zuen abestia. Liburu hau edonorri gomendatuko nioke.

2011-2012 Unai E.

Anonymous said...

Luburu hau irakurtzea berraza besan entretenigarria egin zait. Gure adineko gazte baten goarabeherak kontatzen dizkigu, nahiz eskolan lagunekin izandako liskarrak. Etxean aldiz nota txarrengatik zigortuta uzten dute asteburu batean, baina ezustean aire freskoa hartu nahirik zinemara joaten da eta han bere bihotzeko Oihanerkin topatzen da, ondorioz, akanpada aztu eta hura du gogoan. Etxeratzean aita hain aserre egotetik aita irribarretsua izatera pasatzen da, ganbaran gorderik zuen kitarra ekarri eta semeak irakasteko proposamena egiten dio, ondorioz irribarrea ezpainetan. Bukaeran azterka guztiak gainditu ondoren kurtso amaierako jaialdian urtzik bi abesti abesten ditu, honela bere bihotzeko neska lortzen du. Nire ustez edonori gomendatuko nioke irakurri dezan oso ziraragarria delako. Aimar Z. 3.B 2011-2012

Anonymous said...

Oraingo honetan ``Bihotz ausarta´´ liburua irakurri dut. Ipuin honetako protagonista Urtzi izeneko 13 urteko mutikoa da, bere anaia, ama eta aitarekin bizi da. Aitarekin ez da oso ondo konpontzen ateratzen dituen notak medio. Urtziren bizitza ez da oso atsegina, aitarekin dituen arazoak, ateratzen dituen ustelak eta berak oso gustuko duen neskak ez dio jaramonik egiten. Halere neska horrekin ateratzen hasteko esperantzak baditu eta azkenean berea lortzen du. Liburu hau pertsona guztientzako modukoa da,baina batez ere amodiozko liburuak atsegin dituztenei.

Beñat Beloki 3.a

Anonymous said...

Liburu errza egin zait irakurtzeko. Urtzi izeneko mutil gazte batek bere lagunekin eta etxekoekin izaten dituen hainbat lixkar eta laguntzen berri ematen digu. Hainbat gertakizunetan Urtzirekin identifikatu naiz, hau da, norbaiti zerbait esaterakoan aurrez aurre edota borroka saioen aurka, hitzez gauzak argitu daitezke eta zerbait gaizki egin ondoren barkamena eskatzeko ohitura edukitzea. Urtziren hainbat emozioren berri izan dugu, eskola mailan, lagunekin batzuen aurka beste bat lortze arren eta etxekoekin, aita beti haserretuta egotetik, berari kitarra erakustera pasatzen den aita irrebarretsu izatea lortzen du. Liburuaren amaieran nire ustez denei eskerrak emateko modu bat izan du kitarrarekin kantatu dituen bi abesti haiek. Nire iritziz nire inguruko edozeini gomendatuko nioke irakur dezan oso entreteigarria delako.
Ander Z.3.A 2011-2012

Anonymous said...

Nik irakurri dudan liburua “ Gose Jokoak “ da eta orain arte irakurri ditudan liburu guztietatik gehien gustatu zaidana da .Liburu hau maitasunez , abenturaz ,borrokaz, fikzioz eta parte odoltsu batzuetaz beterik dago gainera zenbait momentuek negarra eginarazten dizute . Liburu honen protagonistak Katniss izena du eta 16 urte ditu , Peeta izeneko mutil batekin batera Gose Jokoetara joan behar du, eta biak batera beste 22 pertxonekin kapitolioko zelai handi batean aurrera atera beharko dira bata bestearekin borrokatuz irabazle bat ateratzen den arte.Liburu hau 12 urtetik gorakoei gomendatuko nieke.ANIMA ZAITEZTE.
Idoia.O 3A 2011-2012

Anonymous said...

Liburu hau asko gustatu zait, izan ere oso interesgarria iruditu zait. Liburu honetan, Urtzi izeneko mutil baten istorioa kontatzen du. Urtzik 13 urte ditu eta arazo batzuk dauzka: alde batetik, Oihanek ez dio kasurik egiten, eta beste aldetik, ikasketetan txarto konpontzen da. Denborarekin, Urtzi eta Oihane hitz egiten hasten dira, mendi irteeran, Karmeleren urtetako festan, akanpada egunean zineman eta ibai ondoan egotean… Azkenean, eskola amaierako festa eguna iristen da, eta bertan, amaiera emateko Urtzik bi abesti kitarraz jo eta kantatzen ditu. Kontzertua amaitutakoan Urtzi Oihanerengana joaten da eta musukatzen hasten dira. Handik aurrera, Urtzi eta Oihane ateratzen hasten dira. Liburu hau gure adinekoei gomendatzen diet.

Unai A. 3.A 2011-12

Anonymous said...

Unai M. 3B
Nik “BIHOTZ AUSARTA” izeneko liburua irakurri dut eta bertan Urtzi izeko 13 urteko mutil bati jazotako maitasunez beteriko abentura kontatzen da. Urtzik bere gelako Oihane gustuko du eta berarekin atera nahi du. Baina Urtzi ez da Oihaneren atzetik dabilen bakarra, Txispas (beraien gelako mutilik harroputzena) ere atzetik du Oihanek. Ohianek ez daki Urtzi beraren atzetik dabilela eta Urtzi ez da Ohianeri, pentsatzen edo sentitzen duena adierazten. Larunbat arratsalde batean, Karmelek bere urtebetetzea ospatzeko festa bat egiten du eta bere lagun guztiak gonbidatzen ditu festara. Karmele Oihaneren lagun mina zen. Festan Oihanek Urtziri berarekin dantzatzeko eskatzen dio eta orduan espero ez zuen gauza bat esan zion, Karmelek gustukoa zuela! Urtzi harriturik gelditu zen eta gero etxera joan zen. Astelehenean, Urtzik Karmeleri ez zuela gustuko esan zion eta neska guztiak Urtziren kontra jarri ziren. Urrungo larunbatean eskolarekin kanpaldia zegoen, baina Urtzik bi ustel zituen eta gurasoek ez zioten kanpaldira joaten utzi. Urtzik orduan zinemara joatea pentsatu zuen eta bertan Ohianerekin topo egin zuen. Ohianeren egoera Urtziren berdina zen, bi ustel atera zituen notetan eta gurasoek ez zioten kanpaldira joaten utzi. Larunbat arratsalde guztia batera pasa zuten, ibaiaren ondotik paseatzen, baina ala ere ez zen ausartu Urtzi Ohianeri berak sentitzen zuena esaten. Azkenean iritsi zen eguna! Eskolako dantzaldiaren eguna. Bertan, amaierako kantu bezala Urtzi eszenatokira igo eta Neil Young-en kanta jo zuen eta gero berak konposaturiko kanta. Kantuaren bidez eskatu zion Urtzik Ohianeri berak esan nahi zion guztia eskolako ikasle guztien aurrean. Hori bai dela Bihotz ausarta edukitzea!!! Niri asko gustatu zait liburu hau eta edozeini gomendatuko nioke.