2013-11-05

ILUNPETAKO ARGI AHULA - "A" ELKARTEA - 1



ILUNPETAKO ARGI AHULA – “A” ELKARTEA – 1
Erik L’Homme
(Ibaizabal, 2012)

 

            Gaspar gaztetxoa “A” taldean onartu dute bekario gisa. Talde honek  Izaki Bereziak (banpiroak, elfoak…) kontrolean diihardu. Bere lehenengo misioak burutzean Jasperrek deabruak, azti azkar eta lerdoak, narkotrafikatzaileak eta beste hainbat horrelako  garaitu behar izango ditu. Egindako lanarekin pozik eta harro dago Jasper; baina Walter, “A” elkarteko burua, ez da uste berekoa.

            Txikitan eskolan Kasper dei egiten ziotenaz aparte, ezer gutxi dakigu Jasperri buruz. Bere amarekin bizi da, baina hura apenas egoten da etxean eta Gaspar nahikoa suelto eta bere kasa ibili ohi da. Ez itxaron pertsonaia sinesgarririk liburuan, dena da irudimenaren menpe; eta magiak, Jasper aztia baita, denetako irtenbideak eskainiko dizkio protagonistari une oro.

            Hasieran istorioak martxa handiago badu ere, trostan irakurriko duzu liburu osoa. Bukaerak ez du izen hori merezi ere, ez baita ezer berezirik pasatzen. Noski, ateak irekita utzi behar dira serieko hurrengo liburuentzat. Baina hori geroxeago etorriko da. Gogoratu liburu-serieak irakurtzeko eman ohi dugun aholkua. Utzi denboratxoa pasatzen hurrengoa eskuratu baino lehen. Artean gozatu Jasperrekin!
 
Rafa L.



1 comment:

Anonymous said...

Jasper 15 urteko mutil gazte bat da A elkartean onartu berri dutena. Elkarte honek gizakien eta izaki Berezien arteko bizikidetzaren alde jokatzen du. Hainbat misio bete behar izaten ditu baina guztia sekretupean egin behar du dena, inor ohartu ez dadin. Lehenengo misioan, banpiro bat harrapatzen, lan bikaina egin zuelako misio zailxeago bat jarri zion Walterrek. Bigarren misioan, banpiroei, aztiei, deabruei... egin beharko die aurre, bizirik atera nahi badu. Lortuko al du?

Liburu hau ez zait gehiegi ere gustatu, hainbeste orrirako akzio gutxiegi baitzegoen.
Ainhoa O. 3A(2013-2014)