2013-07-05

FENIXAREN ITZULERA (CODE LYOKO - 3)

 
FENIXAREN ITZULERA (CODE LYOKO – 3)
Davide Morosinotto
(Mezulari, 2011)
 
            Bere garaian Waldo Schaefferrek antolatutako inguru birtualeko diseinuan sandbox batzuk eratu zituen Lyokon: Mirror, Lehenengo Hiria. XANAk eta Green Phoenixekoek interes handia dute Lehenengo Hiriko gaztelua ganatzeko, hura arma gisa erabilita lor litekeen boterea mugagabea litzatekeelako.
            Gure gazte koadrillakoek, bestalde, Aelitaren gurasoak topatzeko ahaleginetan jarraitzen dute eta Mirroren Hopperren eguneroko birtuala ikusi eta aurreko historiaren hainbat pasarte ilun argituko zaizkie. Saio hauetan gazteetako batzuk geratuko dira mundu birtualetik atzera atera ezinik. Gainera, fabrika zaharreko ordenagailua Hannibal Magoren eskutan, Hermitageko scannerra geratuko zaie bakarrik gazteei mundu birtualerako ate.
            XANAk eta Magok ituna eginda eta ia tresneria guztiaren jabe; bide bakarra geratzen zaie Jeremy eta lagunei: Waldoren lankide ohiak –kasualitatez, gaztetxoen gurasoak- bildu eta galdutako oroitzapenak berreskuratu arazi ondoren, scanenerra atondu, isolatutako lagunak etxeratu eta arerio boteretsuak garaitzeko ahaleginetan dihardu.
 
            Seriearen aurreko liburuen freaky bidetik jarraitzen du istorioak. Narrazioa korapilo batera iritstakoan beti dago cyberbide bat aurrera egiteko eta, egia esan, irudimen handiko soluzioak izaten dira. Horregatik liburuak ez zuen merezi eman zaion bukaera: oso borroka standard eta txaf eta txof motako eszena ez oso imaginatiboarekin.
 
            Jeremy Belpoisen aurreko bi liburuak gustatu bazaizkizu, gustura irakurriko duzu hau ere. Hori bai, hobe saga hurrenkeran, hasieratik hasita, irakurtzea. Oraingo honek aurrekoen erreferentzia asko dauzka eta zaila izango zaizu hau bada Code Lyokoren zure lehenengo liburua.
 
Rafa L.

1 comment:

Anonymous said...

“Fenixaren itzulera” ,kodea Lyokoren segidako hirugarrena, beste liburuak bezainbeste gustatu zait. Gazteak X.A.N.A desagerrarazi dutelakoan daude oraindik baina ohartuko dira ez dela ala. Fabrika zaharra Hannibal aztiaren esku geratu ondoren, Sandbox-ak ikertzeari ekingo diote. baina ez dira bakarrik egongo, inplikatu ezagun asko egongo dira bitarteko, gazteek gurasoen laguntza izango dute adibidez, nonbait duela 10 urte Hopperri proiektuarekin lagundu ziotenak baitira. Liburuan Aurrera jarraituz gazteek kinka biziko egoerak igaroko dituzte, nahiz eta beti jakingo duten nola irten haietatik. Edonori gomendatzeko moduko liburua iruditzen zait, gustura irakurtzekoak eta errazak baitira, abenturazale edo fantasiazaleentzat batez ere. Aurrekoak irakurri badituzu, anima zaitez hau ez da gutxiago eta!!

Ane Arandia 4.A (2013-14).