2016-01-24

GIDARIAREN OKERRA



GIDARIAREN OKERRA
Gotzon Barandiaran
(Susa, 2015)

                Garunetako gaixotasun degeneratiboa du Bitor Larraldek, eta Zack Vicentek Bilbora egingo duen bisitaldia aprobetxatuz  puntako ikertzaile hau bahitzea okurritu zaio Bitorri. Larralderen ustez Vicente jaunak badu bere gaixotasunaren sendabidea; baina, farmazia-enpresen interesak direla eta, ez du publiko egin nahi. Berak bahitu eta sekretua aterako dio.
                Eta operazioaren erreportaje osoa egiteko, Arantza Ojanguren ekialdeko gerratik etorri berria den argazkilaria kontratatu nahi izan du Bitorrek. Arantza xentimorik gabe dago, bera ere gaixotasun batek –glaukomak– jota dago eta berehala operatu ezean, itsu geratutzeko beldur da. Neskak ez du plana oso gustuko, baina diru-beharrak bultzatuta, bat egingo du Larralderekin eta gertakari guztiei argazkia egiteko prest azalduko da.

                Hogeita hamaika kapitulu laburretan ematen da akzioa. Erritmo bizikoa, Bilbo eta inguruan burutzen dena. Narratzailea istorioaren barrukoa da, Arantza Ojanguren bera baita pasadizoen berri emango diguna. Istorioaren harian, hainbat gai arinki ukitu egiten dira: gerra, Bilbo turistikoa, farmazia-enpresen negozioak… Akzioak beste guztiak gaindituko ditu. Istorioak ez du egiantz handirik, baina oso erakargarri egiten zaigu.

                Umorezko ukituek piperra ematen diote. Animatu eta irakurri. Ez zaizu damutuko.

Rafa L.

Gracia, Leizaola, Aldasoro, Monzon, Agirre, de los Toyos, Astigarribia, Aznar
Arantza Ojangurenek ez zekien zein ote zen Carltoneko balkoiko futbolari hauen taldea.




2016-01-23ko "Sautrela" saioan elkarrizketa egin zion Hasier Etxeberriak nobelaren egileari: